Historia do movemento feminista galego. Debate feminista na Casa das Mulleres Xohana Torres

18 de Abril de 2018
por: Concellaría de Igualdade. Concello de Santiago

Coa finalidade de contribuír a recuperar a memoria histórica das mulleres, especialmente da loita e reivindicacións feministas, desde a Concellaría de Igualdade dedicamos unha das sesións do ciclo de debates feministas organizados na Casa das Mulleres Xohana Torres á "Historia do movemento feminista galego". O evento encadrado no programa de actividades de conmemoración do 8 de marzo Día Internacional das Mulleres tivo lugar o 6 de abril ás 19.30 h, e nel participaron mulleres imprescindibles que desde diferentes perspectivas e ámbitos abordaron cuestións fundamentais relacionadas coas desigualdades de xénero, reivindicacións e mobilizacións do pasado.

Aquí podedes consultar o vídeo integro deste debate presentado pola escritora Marilar Aleixandre, e no que interviñeron:

  • Nanina Santos, da equipa de redación de ANDAINA, revista galega de pensamento feminista,
  • María Xosé Queizán, impulsora da revista A palabra silenciada,
  • Luísa Ocampo, Mulheres Nacionalistas Galegas,
  • Lupe Ces, activista feminista e impulsora nos inicios da Marcha Mundial das Mulleres.

Vídeo íntegro do debate "Historia do movemento feminista galego"