Scroll
A perspectiva de xénero é fundamental para o desenvolvemento da cidade. Pensar o transporte, os espazos públicos, o uso dos hoteis e dos establecementos tendo en conta as necesidades prácticas e estratéxicas das mulleres é vantaxoso para toda a poboación.
Se tes un hotel, un restaurante, un bar ou un local que consideres que debe estar neste mapa:
1. Le este documento de Boas Prácticas
2. Se estás de acordo, cubre o formulario, ao que podes acceder dende cada recadro (hotel, restaurante…)
3. Poñerémonos en contacto contigo para asinar o compromiso de colaboración
Se queres achegar outra información como servizos, institucións ou mulleres destacadas que consideres que deben formar parte do mapa envíanos a información aquí.
Últimos materiais
incorporados ao arquivo
Desde o ano 1992 ata o 2011, o Concello de Santiago convocou de forma ininterrompida o premio Xohana Torres, unha convocatoria anual que serviu para premiar moitos traballos de investigación ou ensaio (humanísticos, social, científico) sobre a historia e o papel das mulleres no ámbito de Galicia.
Na vontade institucional por atallar as desigualdades entre os diferentes grupos sociais, o rueiro da nosa cidade, expoñente da memoria colectiva no espazo público, non é unha excepción. A análise dos topónimos urbanos de Santiago de Compostela é clave na construción dunha cidade que sexa un ámbito de igualdade.
Os datos amosan unha ampla desigualdade no referente á presencia, recoñecemento e visibilidade das arquitectas que teñen traballado no panorama da arquitectura contemporánea da cidade de Santiago de Compostela nos últimos 60 anos.
Co obxectivo de promover e facer visible o rexeitamento da cidadanía ante as violencias machistas e con motivo do Día Internacional da Eliminación da Violencia contra as Mulleres, o 25 de novembro desenvolveuse conxuntamente a campaña de sensibilización “En negro, contra a violencia”.
